呢間餐廳，我由18年年中開始食，都食咗兩年半。佢係我全中環最常去嘅食肆，大概每星期都會幫襯。
一開始間舖無招牌，非常唔顯眼，食完都唔知餐廳名。我地幾個同事好似發現新大陸咁，見到啲廚好有熱誠，我地私下幫佢地改咗花名做Passion Kitchen，直到而家我地都係咁叫。餐廳嘅性價比非常高，高質嘅蔥油雞扒飯加飲品都係六十蚊有找，中環根本搵唔到有另外一家可以匹敵。
反送中之後，佢成為黃店，推出好多優惠畀學生同醫護。同時，越來越多人發現到佢（好似外賣都好popular)，但食物質素大致都保持到，非常難得。喺中環呢啲充滿銅臭嘅地方，百里居係一間好味之餘，亦感受到有人情味嘅食店。現得悉老板離世，實在有點傷感。
生命無常，願逝者安息。
百里居 Thyme
https://hk.appledaily.com/breaking/20201204/D6UWI62LR5BXRD7STDNTJROKGA/
Search